Facebook asoschisi Mark Sukerberg Maks va Bitkoin laqabli ikkita echkisi borligini ma’lum qildi. Bir necha soat ichida uning postiga ijtimoiy tarmoqning yarim millionga yaqin foydalanuvchisi layk bosgan, 227 mingdan ortiq izoh qoldirilgan, deb xabar beradi Esquire.
Eslatib o‘tamiz, 2019-yilda Twitter asoschisi Jek Dorsi Facebook asoschilaridan biri Mark Sukerberg akkauntiga obunani hammaga obunachilari ko‘radigan qilib bekor qilgandi. Undan buning sababi so‘ralganda Twitter matbuot xizmati o‘tgan yili ikki IT yetakchilari o‘rtasida kelishmovchilikka sabab bo‘lgan hayvon — echki emojisini yuborgan.
Qayd etilishicha, o‘tgan yili echki haqiqatan ham ularning o‘rtalariga sovuqchilik tushishiga sabab bo‘lgan. Shu yilning yanvar oyida Twitter asoschisi intervyu berib, unda Facebook rahbari bilan eng esda qolarli uchrashuvi haqida gapirib bergan. Uning aytishicha, Sukerberg o‘z qo‘llari bilan echkini o‘ldirgan. Keyin esa undan kechki taom tayyorlanib, dasturxonga tortilgan. Ijtimoiy tarmoqning rasmiy akkaunti ushbu harakatga echkilar emojisi orqali izoh bergandi.
2011-yilda Sukerberg Fortuna jurnaliga bergan intervyusida faqat o‘zi o‘ldirgan hayvonlarni yeyishini ma’lum qilgan. “Men ko‘proq foydali yeguliklarni tanovul qila boshladim hamda dehqonchilik va chorvachilik haqida ko‘p narsalarni bilib oldim… O‘ylashimcha, odamlar yeyayotgan narsasi qayerdan kelayotganini inkor etmagan holda shu yegulikning borligiga shukr qilishlari kerak”, — degan edi Sukerberg.
Izoh (0)