Tashqi ko‘rinishidan Ledi Gagani eslatadigan hamda Instagram’da 25 mingdan ortiq obunachisi bo‘lgan kuchukcha (foto)

Ko‘plab internet foydalanuvchilarining fikricha, ushbu yoqimtoy it Ledi Gaga yoki Sia bilan bemalol raqobatlasha oladi. To‘g‘ri, u qo‘shiq aytishni bilmaydi, lekin tekis kesilgan chyolkasi va hurpagan yungi bilan mazkur xonandalarga o‘xshab ketadi.

Kuchukning laqabi Bontenmaru, egasi esa Tomoyo Matsuura. Egasining aytishicha, bu mitti jonivorning hayot tarzi boshqa kuchuklarnikidan farq qilmaydi: ertalab u sayrga chiqadi, tushdan keyin esa uxlashni yaxshi ko‘radi. Bontemaru allaqachon internet yulduziga aylangan: uning Instagram’da 25 mingga yaqin obunachisi bor. Yoqimtoyligi uchun esa uni reklama roliklarida suratga tushishga taklif qilishadi.

Hozirda Bontemaru 6 yoshda. Egasi uni oddiy hayvonlar sotiladigan do‘kondan sotib olgan. Tomoyoning aytishicha, u kuchukni tasodifan ko‘rib qolgan va shu zahotiyoq uni yoqtirib qolgan.

Bontemaruning, aniqrog‘i, uning egasining didi chakkimasligini jonivorning tartibli turmagi va kiyinish uslubidan ham sezish mumkin.

Bontemaru shi-tsu zotiga mansub bo‘lib, bu qadimiy zotlardan hisoblanadi. Aytishlaricha bu genotip bo‘rilar avlodiga juda yaqin nasldir.

Itlarning bu zoti Xitoy imperatorlari tomonidan taqiqlangan tur bo‘lgan. Ya’ni bunday kuchuklarni faqatgina imperator oilasigina boqishi mumkin bo‘lgan. Agar oddiy aholidan kimdir shunday itga egalik qilsa, unga hatto o‘lim jazosi ham qo‘llanilgan.

Shunday qilib, bunday itlarga 1920-yilgacha qirollik oilasi egalik qilgan. Istisno holatlarda esa shaxsan qirolning o‘zi biror saroy amaldoriga bu zotni sovg‘a qilishi mumkin bo‘lgan.