Foto: Mashhur hind aktrisasi Ayshvariya Ray 30 yil ichida qanchalik o‘zgardi?

Ayshvariya Ray eng mashhur aktrisalardan biri. 1991-yilda u xalqaro supermodellar tanlovida g‘olib chiqqach (Ford kompaniyasi tashkillashtirgan), uning suratlari Vogue jurnalida paydo bo‘ldi.

1993-yilda Ray aktyorlar Amir Xon va Mahima Chaudxari bilan Pepsi reklama roliklarida qatnashgani uchun olqishlarga sazovor bo‘ldi. Reklamadagi “Salom, men Sanjanaman” jumlasi uni bir zumda mashhur qildi.

1994-yil “Hindiston go‘zali” tanlovida u Sushmita Sendan keyin ikkinchi o‘rinni egalladi va “Dunyo go‘zali” tanloviga borish imkoniyatini qo‘lga kiritdi. 1994-yil 19-noyabrda 21 yoshli Ayshvarya yangi “Dunyo go‘zali”ga aylandi.

U modellik faoliyatini davom ettirish uchun arxitektura akademiyasidagi o‘qishini tashlashga qaror qilgan.

1997-yilda aktrisa Mani Ratnamning tamil tilidagi Mohanlal, Prakash Raj, Tabu va Revati ishtirokidagi yarim biografik siyosiy drama “Duet” filmida debyut rolini ijro qildi.

Film katta muvaffaqiyatga erishdi va boshqa mukofotlar qatorida Belgrad xalqaro kinofestivali tomonidan “Eng yaxshi film” mukofotiga sazovor bo‘ldi.

Xuddi shu yili u Bobbi Deol bilan “Ular bir-birlarini sevib qolishdi” filmida ishtirok etdi.

2002-yili Ayshvariya birinchi marta Kann kinofestivalida “Devdas” filmidagi roli uchun qatnashdi.

Mazkur film xalqaro miqyosda katta muvaffaqiyatga erishdi va “Ming yillikning eng yaxshi 10 filmi” ro‘yxatiga kirdi. Shuningdek, “Eng yaxshi xorijiy film” nominatsiyasi bo‘yicha Bafta mukofotiga nomzod bo‘ldi. Hindistonda esa ushbu film 10 ta Filmfare mukofotini qo‘lga kiritdi.

2007-yil 20-aprelda Ayshvariya Ray aktyor Abhishek Bachchanga turmushga chiqdi. Bungacha u aktyorlar — Salmon Xon va Vivek Oberoy bilan munosabatda bo‘lgan.

2011-yil 16-noyabrda aktrisa qizi Aradiyani dunyoga keltirdi. Tug‘ruqdan so‘ng u uzoq vaqtgacha vaznini yo‘qotolmadi, shu sababli ham muxlislari tomonidan juda ko‘p tanqidga uchradi.