Yenot uyida MMA janglarini o‘tkazmoqda. Uning asosiy do‘sti va raqibi — doim revanshlarga tayyor o‘jar it (video)

AQShning Ayova shtatida o‘zining eng yaqin do‘sti — it bilan sparring uyushtirishni yaxshi ko‘radigan Rojer laqabli xonaki yenot yashaydi, deb xabar beradi Meduza.

Jonivorlar soatlab polda yotgancha bir-biri bilan kurashishi mumkin. Ushbu kurashlarda mutlaq g‘olib yo‘q: bir safar yenot yutsa, boshqa safar ustunlik itda bo‘ladi.

Rojerning egasi yenot va uning akasi ikki kunlik bo‘lganida asrab olgan — ularning onasini o‘ldirishgan, hayvonlar esa yolg‘iz qolgan. Ayolning so‘zlariga ko‘ra, Rojer — “zo‘ravon”. U ko‘chaga chiqishdan qo‘rqadi, shu sabab kuni bilan uyda o‘tiradi. Yenot itning kattaligiga o‘zi bilan teng bo‘lgani uchun u bilan tez-tez o‘ynab turadi.