Internetda Meksika plyajlarining birida syorfing bilan shug‘ullanayotgan itning videosi tarqaldi, deb xabar beradi Meduza.
“Verakrus shtatidagi Alvarado shahrida evolyutsiya ildamlab ketibdi — aks holda mahalliy itlar osonlikda syorf uchayotganini qanday izohlash mumkin”, — deyiladi xabarda.
Ma’lumotlarga ko‘ra, 2-may kuni guvohlar syorf bog‘langan qayiq suzib o‘tayotganini tasvirga olishga muvaffaq bo‘lgan. Syorfing taxtasida esa hech narsadan hayratga tushmagan sovuqqon it o‘tirgan. Guvohlarning taxminicha, u shunchaki quyosh va salqin suvdan bahra olayotgan bo‘lgan.
Ma’lumot uchun, AQShdagi Helen Woodward Animal Center hayvonlarga boshpana berish tashkiloti har yili itlar o‘rtasidagi syorfing bo‘yicha musobaqa o‘tkazib keladi. 2020-yilda tashkilotchilar itlarning egalari tomonidan olingan videolarni yig‘ib, 50 daqiqalik rolik taqdim etgandi.
Izoh (0)