Kuvaytda joylashgan dunyodagi eng katta neft konida yong‘in sodir bo‘ldi

Kuvaytning Katta Burgan neft konida yong‘in sodir bo‘ldi. Konning ikki nafar xodimi jabrlandi, deb yozmoqda KUNA axborot agentligi.

“Neft konida yong‘in sodir bo‘ldi, olov darhol nazorat ostiga olindi, ikki nafar ishchi jarohatlandi, lekin bu ishlab chiqarishga ta’sir qilmadi”, — deyiladi xabarda.

Jabrlangan ishchilar kuyish jarohatlari bilan shifoxonaga yotqizildi. Ularning hayotiga hech narsa xavf solmayapti.

Yong‘in sabablari hozircha noma’lum. Kon ma’muriyati hodisa sabablarini o‘rganishni boshladi.

Katta Burgan koni dunyodagi qayta tiklanadigan neft zaxiralarining 5 foizidan va Kuvaytning tasdiqlangan neft zaxiralarining 75 foizdan ortig‘ini o‘z ichiga oladi.

Avvalroq Eronning Kum shahridagi kimyoviy zavodda yong‘in sodir bo‘lgani haqida xabar berildi. Yong‘in atrofida favqulodda holat e’lon qilinib, barcha tashkilotlar, shu jumladan, Islom inqilobi posbonlari korpusi yong‘inga qarshi kurash uchun safarbar qilingan.

Tojikiston poytaxti Dushanbeda joylashgan avtomobillarga yoqilg‘i quyish stansiyasida portlash yuz berishi oqibatida 29 kishi jabrlandi. Ma’lumotlarga ko‘ra, ularning besh nafari og‘ir ahvolda.