Кувайтнинг Катта Бурган нефть конида ёнғин содир бўлди. Коннинг икки нафар ходими жабрланди, деб ёзмоқда KUNA ахборот агентлиги.
«Нефть конида ёнғин содир бўлди, олов дарҳол назорат остига олинди, икки нафар ишчи жароҳатланди, лекин бу ишлаб чиқаришга таъсир қилмади», — дейилади хабарда.
Жабрланган ишчилар куйиш жароҳатлари билан шифохонага ётқизилди. Уларнинг ҳаётига ҳеч нарса хавф солмаяпти.
Ёнғин сабаблари ҳозирча номаълум. Кон маъмурияти ҳодиса сабабларини ўрганишни бошлади.
Катта Бурган кони дунёдаги қайта тикланадиган нефть захираларининг 5 фоизидан ва Кувайтнинг тасдиқланган нефть захираларининг 75 фоиздан ортиғини ўз ичига олади.
Аввалроқ Эроннинг Кум шаҳридаги кимёвий заводда ёнғин содир бўлгани ҳақида хабар берилди. Ёнғин атрофида фавқулодда ҳолат эълон қилиниб, барча ташкилотлар, шу жумладан, Ислом инқилоби посбонлари корпуси ёнғинга қарши кураш учун сафарбар қилинган.
Тожикистон пойтахти Душанбеда жойлашган автомобилларга ёқилғи қуйиш станциясида портлаш юз бериши оқибатида 29 киши жабрланди. Маълумотларга кўра, уларнинг беш нафари оғир аҳволда.
Изоҳ (0)