Mashhur turk oshpazi Nusret Go‘kche may oyining oxirida Londonda restoran ochmoqchi. Restoranda sof oltin bilan qoplangan steyk tayyorlanadi, deb xabar bermoqda LAD Bible.
Ta’kidlanishicha, oshpaz tomonidan tuzilgan menyuda “Oltin Tomagavk” bandi qo‘shilgan bo‘lib, bu 24 qirotlik tilla bilan qoplangan mol go‘shti hisoblanadi. Dastlabki ma’lumotlarga ko‘ra, mazkur taom narxi 1000 AQSh dollarini tashkil qiladi.
Ma’lumki, turk oshpazi Nusr-Et nomli restoranlar tarmog‘iga egalik qiladi. Go‘kche restoranlariga mashhur aktyor Leonardo Di Kaprio, fransuz futbolchisi Pol Pogba, sobiq futbolchi Devid Bekhem va boshqa yulduzlar tashrif buyurgan.
Eslatib o‘tamiz, Nusret Go‘kchening 2017-yil yanvarida Twitter’da steyk pishirayotgani tasvirlangan videosi tarqalib, 48 soat ichida ikki milliondan ortiq tomosha qilganidan keyin mashhur bo‘lgan. Oshpazning steykka tuz sepish uchun qo‘lini g‘ayrioddiy tarzda ko‘targani tomoshabinlarni o‘ziga jalb qildi. 2018-yilda oshpaz Nyu-Yorkda o‘zining birinchi steyk-hausini ochdi, shundan so‘ng uning shaxsiyatiga bo‘lgan qiziqish yanada ortdi.
Avvalroq Nusret Go‘kche Habib va Konor bilan jang qilishga tayyorligini bildirgani haqida xabar berilgan edi.
Izoh (0)