Фото: Машҳур ҳинд актрисаси Айшвария Рай 30 йил ичида қанчалик ўзгарди?

Айшвария Рай энг машҳур актрисалардан бири. 1991 йилда у халқаро супермоделлар танловида ғолиб чиққач (Ford компанияси ташкиллаштирган), унинг суратлари Vogue журналида пайдо бўлди.

1993 йилда Рай актёрлар Амир Хон ва Маҳима Чаудхари билан Pepsi реклама роликларида қатнашгани учун олқишларга сазовор бўлди. Рекламадаги «Салом, мен Санжанаман» жумласи уни бир зумда машҳур қилди.

1994 йил «Ҳиндистон гўзали» танловида у Сушмита Сендан кейин иккинчи ўринни эгаллади ва «Дунё гўзали» танловига бориш имкониятини қўлга киритди. 1994 йил 19 ноябрда 21 ёшли Айшваря янги «Дунё гўзали»га айланди.

У моделлик фаолиятини давом эттириш учун архитектура академиясидаги ўқишини ташлашга қарор қилган.

1997 йилда актриса Мани Ратнамнинг тамил тилидаги Моҳанлал, Пракаш Раж, Табу ва Ревати иштирокидаги ярим биографик сиёсий драма «Дуэт» фильмида дебют ролини ижро қилди.

Фильм катта муваффақиятга эришди ва бошқа мукофотлар қаторида Белград халқаро кинофестивали томонидан «Энг яхши фильм» мукофотига сазовор бўлди.

Худди шу йили у Бобби Деол билан «Улар бир-бирларини севиб қолишди» фильмида иштирок этди.

2002 йили Айшвария биринчи марта Канн кинофестивалида «Девдас» фильмидаги роли учун қатнашди.

Мазкур фильм халқаро миқёсда катта муваффақиятга эришди ва «Минг йилликнинг энг яхши 10 фильми» рўйхатига кирди. Шунингдек, «Энг яхши хорижий фильм» номинацияси бўйича Бафта мукофотига номзод бўлди. Ҳиндистонда эса ушбу фильм 10 та Filmfare мукофотини қўлга киритди.

2007 йил 20 апрелда Айшвария Рай актёр Абҳишек Баччанга турмушга чиқди. Бунгача у актёрлар — Салмон Хон ва Вивек Оберой билан муносабатда бўлган.

2011 йил 16 ноябрда актриса қизи Арадияни дунёга келтирди. Туғруқдан сўнг у узоқ вақтгача вазнини йўқотолмади, шу сабабли ҳам мухлислари томонидан жуда кўп танқидга учради.