Mutlaq yengil vazn toifasida harakat qiluvchi o‘zbekistonlik UFC jangchisi Zarruh Adashevning (3-3) Rayan Benuaga (10-7) qarshi jangi bekor qilindi.
Adashevning raqibi vazn normasini bajara olmagan, bundan tashqari sportchi vazn o‘lchash marosimida o‘zini yomon his qilgan va hushini yo‘qotishiga oz qolgan. Benua vazn haydash vaqtida o‘zini ancha qiynab qo‘ygani taxmin qilinmoqda.
“Mening Benuaga qarshi jangim bekor qilindi. U vazn qila olmadi. Ammo men unga qarshi har qanday vazn toifasida jang qilishga tayyor edim. Biroq shifokorlar bunga ruxsat bermadi. Jangga juda kuchli tayyorlangandim va jismoniy holatim ham o‘z cho‘qqisida edi. Unga tezroq tuzalib ketishni tilayman”, — deya fikr bildirdi Zarruh Adashev.
Eslatib o‘tamiz, Adashev — Benua jangi UFC Vegas 26 musobaqasi doirasida 9-may tongida bo‘lib o‘tishi lozim edi.
O‘zbekistonlik yakkakurashchi 20-yanvar kuni bo‘lib o‘tgan UFC kechasida xitoylik Su Mudaerjiga (14-4) yutqazib qo‘ydi. Undan avval Adashev UFC’dagi debyut jangini Tayson Nemga qarshi o‘tkazgan va 32-soniyadayoq nokautga uchragandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)