Futbol bo‘yicha BAA Pro-Ligasining 25-turidan o‘rin olgan bir qator o‘yinlar 7-may, juma kuni bo‘lib o‘tdi.
“Shabob al-Ahli” o‘z maydonida “Al-Vasl”ni qabul qildi va raqib darvozasiga javobsiz uchta gol urdi. Uchrashuvni to‘liq o‘tkazgan o‘zbekistonlik yarim himoyachi Jaloliddin Masharipov “Shabob al-Ahli”ning uchinchi goliga assistentlik qildi. Masharipov jarima maydonchasiga yorib kirdi va to‘pni darvozabondan ham o‘tkazib, Harib Abdallaning gol urishiga zamin yaratib berdi. Ushbu bahsda yana bir o‘zbekistonlik yarim himoyachi Odiljon Hamrobekov (“Shabob al-Ahli”) ham to‘liq 90 daqiqa o‘ynadi.
Jaloliddin Masharipovning golli uzatmasini bu yerda ko‘rish mumkin — video.
Doston Hamdamovning golini bu yerda ko‘rish mumkin — video..
Shuningdek, mazkur turda Otabek Shukurov harakat qilayotgan “Sharja” ham o‘z o‘yinini o‘tkazdi. Jamoa “Ajman” maydoniga safar qilib, 3:0 hisobidagi g‘alabani tantana qildi. Shukurov mazkur bahsda to‘liq 90 daqiqa harakat qildi.
25-turdan keyin “Sharja” 48 ochko bilan musobaqa jadvalida 3-o‘rinda bormoqda. “Shabob al-Ahli” (47) 4-pog‘onani band etgan bo‘lsa, hisobida 12 ochko bo‘lgan “Hatta” so‘nggi o‘rindan joy olgan.
BAA Pro-Ligasi
25-tur bahslari
7-may, juma
Izoh (0)