Samarqand viloyatining Past Darg‘om tumanida ikki tuyaqush mashinadan chiqib, qochib ketdi. Holat tasvirlangan video Telegram’dagi “Samarqandliklar” kanali tomonidan e’lon qilindi.
Ma’lum qilinishicha, holat tumanning eski YPX posti yaqinida sodir bo‘lgan. Videodan ko‘rish mumkinki, bo‘yi 2 metr keladigan ikkita tuyaqush yuk mashinasidan tushib qolib, yo‘l chetiga yugurib o‘tgan. Bir erkak tuyaqushlarni tinchlantirishga urinib, ularni ushlashga harakat qilgan.
Bunga qadar Janubiy Afrikadagi velopoygaga tuyaqush kelib qo‘shilgani va u deyarli barcha ishtirokchilarni ortda qoldirgani, Buyuk Britaniyada zebra bo‘lishga qaror qilgan tuyaqush o‘z oilasini tark etgani, Avstraliyada tuyaqushlar yomon xulqi uchun mehmonxona “qora ro‘yxatiga” kiritilgani to‘g‘risida xabarlar berilgandi.
Izoh (0)