Muntazam kurash: butun hayoti davomida parhez tutayotgan 8 ta yulduz (foto)

Ko‘pchilik mashhur kishilarning jismoniy holatidagi o‘zgarishlarni salomatlik yoki plastik jarrohlik yordamida amalga oshiradi, deb hisoblaydi. Afsuski, muvaffaqiyatning 70 foizi doimo to‘g‘ri ovqatlanish va parhez qilishdan iborat. Shuningdek, tashqi holat va ichki dunyo yaxshi bo‘lishi uchun kosmetolog va plastik jarrohliklarsiz kuchli iroda va motivatsiya kerak.

Naomi Kempbell

O‘tgan asrning 90-yillaridagi supermodel oradan yillar o‘tsa ham faqatgina go‘zallashib bormoqda. Balandligi 177 santimetr bo‘lgan Naomining vazni 54 kilogrammga ham yetmaydi. Naomi muntazam ravishda jismoniy mashqlar bilan birgalikda qat’iy parhez va to‘g‘ri ovqatlanishga rioya qiladi. Model erta tongda limon bilan oddiy suv yoki ko‘k choy ichadi. Tushlik yoki kechki ovqat uchun sabzavotli salatlar iste’mol qiladi. Ba’zan esa shunchaki sharbat ichadi. Go‘sht va sut mahsulotlarini iste’mol qilmaydi.

Keyt Moss 

Balandligi 177 santimetr bo‘lgan aktrisaning vazni atigi 50 kilogramm. Keyt faqat foydali mahsulotlarni iste’mol qiladi. U uzoq vaqtdan buyon yog‘li, kraxmalli va shirin taomlardan voz kechgan. Haftada bir necha marta suzish va sport zaliga tashrif buyuradi, muntazam ravishda massaj kurslarini olib boradi. Keyt ertalabdan meva, qahva va 100 gramm tvorog iste’mol qiladi. Tushlik uchun faqat bitta apelsin, sho‘rva va sabzavotli salat tanovul qiladi. Kechki ovqat uchun bug‘da pishirilgan taom va yangi sabzavotlarni afzal ko‘radi.

Lindsi Loxan

Bir vaqtlar Lindsining qomati uni parhez tutishga majbur qilgan. Keyinchalik esa bu odatga aylangan. Uning nonushtasi shakarsiz yangi siqilgan meva sharbatidan iborat. Ovqatlanish oralig‘ida u gazsiz oddiy suv ichadi. Aktrisa tez hazm bo‘ladigan uglevodlar va yuqori kaloriyali ovqatlardan butunlay voz kechgan.

Anjelina Joli

Amerikalik aktrisaning go‘zal ko‘rinishiga jismoniy mashq hamda to‘g‘ri ovqatlanish ham sabab bo‘lgan. Anjelina buning uchun juda ko‘p vaqt ajratadi. U kuniga 4-6 marta ovqat yeyishni, yog‘ va uglevodlar muvozanatini saqlashni, 1,5 litr suvni ichishni o‘ziga odat qilib olgan. Shuningdek, asosan oqsilga boy taomlarni iste’mol qiladi. Ratsionining asosiy qismini mevalar tashkil etadi.

Gvinet Peltrou

Gvinet muntazam parhezdan tashqari, nafas olish mashqi, yoga va saunani unutmaydi. Shuningdek, nonushta va kechki ovqat o‘rtasida 12 soat ovqatlanmaydi. Shuningdek, yotishdan avval bir osh qoshiq zaytun moyini ichishni tavsiya qiladi. Aktrisaning ratsionida glyuten, dengiz mahsulotlari, yong‘oq, pomidor, ziravorlar, shakar, kofein va alkogol yo‘q. U yangi uzilgan sabzavotlar, sho‘rva, salat, o‘simlik choylari va sharbatlarni ichadi.

Viktoriya Bekxem

Viktoriya o‘z vaznini asosan parhez hamda sport yordamida nazorat qilib boradi. U tongni ikki choy qoshiq olma sirkasi va suvdan boshlaydi. Bu uning tanasini tozalashga va metabolizmni yaxshilashga yordam beradi. Nonushta uchun don va chia urug‘idan tayyorlangan smuzi ichadi. Shuningdek, yulduz har kuni vitamin va antioksidantlarga boy avokado iste’mol qiladi.

Jonni Depp

Doimiy ravishda parhez qiladigan yulduzlar orasida erkaklar ham bor. Masalan, uchta “Oskar” mukofotiga nomzod bo‘lgan Jonni ham dunyoning eng mashhur erkaklaridan biridir. Gollivudning 50 yoshga kirgan aktyori qanday qilib 35 yosh ko‘rinishni saqlab qolgan? Jonni muntazam ravishda sabzavot va mevalarni iste’mol qilishni yaxshi ko‘radi. Suratga tushish jarayonidan avval choy va meva iste’mol qilib, dam oladi. Aktyor kuniga kamida bir litr ko‘k choy ichadi.

Devid Bekxem

Devid Bekxem professional futboldagi karyerasini tugatganidan so‘ng ham sport bilan shug‘ullanishni tashlab qo‘ymadi. Shuningdek, parhez tutishda ham davom etadi. U salomatligi uchun nafaqat sportdan, bali ko‘p yillik parhezdan ham minnatdor.