Кўпчилик машҳур кишиларнинг жисмоний ҳолатидаги ўзгаришларни саломатлик ёки пластик жарроҳлик ёрдамида амалга оширади, деб ҳисоблайди. Афсуски, муваффақиятнинг 70 фоизи доимо тўғри овқатланиш ва парҳез қилишдан иборат. Шунингдек, ташқи ҳолат ва ички дунё яхши бўлиши учун косметолог ва пластик жарроҳликларсиз кучли ирода ва мотивация керак.
Наоми Кемпбелл
Ўтган асрнинг 90 йилларидаги супермодель орадан йиллар ўтса ҳам фақатгина гўзаллашиб бормоқда. Баландлиги 177 сантиметр бўлган Наомининг вазни 54 килограммга ҳам етмайди. Наоми мунтазам равишда жисмоний машқлар билан биргаликда қатъий парҳез ва тўғри овқатланишга риоя қилади. Модель эрта тонгда лимон билан оддий сув ёки кўк чой ичади. Тушлик ёки кечки овқат учун сабзавотли салатлар истеъмол қилади. Баъзан эса шунчаки шарбат ичади. Гўшт ва сут маҳсулотларини истеъмол қилмайди.
Кейт Мосс
Баландлиги 177 сантиметр бўлган актрисанинг вазни атиги 50 килограмм. Кейт фақат фойдали маҳсулотларни истеъмол қилади. У узоқ вақтдан буён ёғли, крахмалли ва ширин таомлардан воз кечган. Ҳафтада бир неча марта сузиш ва спорт залига ташриф буюради, мунтазам равишда массаж курсларини олиб боради. Кейт эрталабдан мева, қаҳва ва 100 грамм творог истеъмол қилади. Тушлик учун фақат битта апельсин, шўрва ва сабзавотли салат тановул қилади. Кечки овқат учун буғда пиширилган таом ва янги сабзавотларни афзал кўради.
Линдси Лохан
Бир вақтлар Линдсининг қомати уни парҳез тутишга мажбур қилган. Кейинчалик эса бу одатга айланган. Унинг нонуштаси шакарсиз янги сиқилган мева шарбатидан иборат. Овқатланиш оралиғида у газсиз оддий сув ичади. Актриса тез ҳазм бўладиган углеводлар ва юқори калорияли овқатлардан бутунлай воз кечган.
Анжелина Жоли
Америкалик актрисанинг гўзал кўринишига жисмоний машқ ҳамда тўғри овқатланиш ҳам сабаб бўлган. Анжелина бунинг учун жуда кўп вақт ажратади. У кунига 4-6 марта овқат ейишни, ёғ ва углеводлар мувозанатини сақлашни, 1,5 литр сувни ичишни ўзига одат қилиб олган. Шунингдек, асосан оқсилга бой таомларни истеъмол қилади. Рационининг асосий қисмини мевалар ташкил этади.
Гвинет Пелтроу
Гвинет мунтазам парҳездан ташқари, нафас олиш машқи, ёга ва саунани унутмайди. Шунингдек, нонушта ва кечки овқат ўртасида 12 соат овқатланмайди. Шунингдек, ётишдан аввал бир ош қошиқ зайтун мойини ичишни тавсия қилади. Актрисанинг ратционида глютен, денгиз маҳсулотлари, ёнғоқ, помидор, зираворлар, шакар, кофеин ва алкоголь йўқ. У янги узилган сабзавотлар, шўрва, салат, ўсимлик чойлари ва шарбатларни ичади.
Виктория Бекхем
Виктория ўз вазнини асосан парҳез ҳамда спорт ёрдамида назорат қилиб боради. У тонгни икки чой қошиқ олма сиркаси ва сувдан бошлайди. Бу унинг танасини тозалашга ва метаболизмни яхшилашга ёрдам беради. Нонушта учун дон ва чиа уруғидан тайёрланган смузи ичади. Шунингдек, юлдуз ҳар куни витамин ва антиоксидантларга бой авокадо истеъмол қилади.
Жонни Депп
Доимий равишда парҳез қиладиган юлдузлар орасида эркаклар ҳам бор. Масалан, учта «Оскар» мукофотига номзод бўлган Жонни ҳам дунёнинг энг машҳур эркакларидан биридир. Голливуднинг 50 ёшга кирган актёри қандай қилиб 35 ёш кўринишни сақлаб қолган? Жонни мунтазам равишда сабзавот ва меваларни истеъмол қилишни яхши кўради. Суратга тушиш жараёнидан аввал чой ва мева истеъмол қилиб, дам олади. Актёр кунига камида бир литр кўк чой ичади.
Дэвид Бекхем
Дэвид Бекхем профессионал футболдаги карьерасини тугатганидан сўнг ҳам спорт билан шуғулланишни ташлаб қўймади. Шунингдек, парҳез тутишда ҳам давом этади. У саломатлиги учун нафақат спортдан, бали кўп йиллик парҳездан ҳам миннатдор.
Мавзуга доир:
Изоҳ (0)