Ayni vaqtda bolalar uchun enaga yollash odatiy holga aylangan. Ayniqsa, bu taniqli shaxslar orasida ko‘p uchraydi. Chunki ular karyera tufayli ham tug‘ruqdan keyin tanaffus qilmaydi. Shunday bo‘lmasin, farzandining tarbiyasini birinchi o‘ringa qo‘yib, enagalarsiz ularga o‘zi g‘amxo‘rlik qilayotgan yulduzlar ham talaygina.
Mila Kunis va Eshton Kutcher
Yulduzli juftlik bir qiz va o‘g‘ilni tarbiya qilmoqda. Ular farzandlariga o‘zi g‘amxo‘rlik qilishga qaror qilgan. Ularni tez-tez o‘yingohlar, savdo markazi va xiyobonlarda sayr qilayotganini ko‘rish mumkin.
Shuningdek, Mila farzandlarini ona suti bilan boqdi va uning so‘zlariga ko‘ra, bu uni baxtli ham qilgan. Mila eng zamonaviy aktrisa bo‘lib, qizil yo‘lakda batamom boshqa ayolga aylanadi. Uyda esa qulay kiyimlarni kiyib, farzandlari bilan vaqt o‘tkazadigan mehribon onadir.
Bleyk Layvli va Rayan Reynolds
Mashhur juftlik ham uch qizni tarbiyalamoqda. Ular uchun bolalari bilan ko‘proq vaqt o‘tkazish muhimdir. Shuningdek, juftlik bir vaqtda ishga ketmaydi. Farzandlari bilan ota yoki ona birga qolishi kerak.
Bleyk hamisha oilasining katta bo‘lishini, imkoni bo‘lsa 30 ta farzand ko‘rishni orzu qilgan. Rayan esa chindan ham mehribon dada. U kechasi qizidan xabar olish uchun 5 marta uyg‘onishini ham tan olgan. Garchi charchagan bo‘lsa-da, bunday shirin tashvishlardan qochmaydi.
Riz Uizerspun
Riz Uzerspun va Rayan Filipp ajrashgan bo‘lsa-da, ular farzandiga g‘amxo‘rlik borasida ortga chekinmaydi. Shunday bo‘lsa-da, farzandlarini enaga topshirishdan bosh tortgan. Rizga avvalgi turmushidagi farzandlari doimo yordam beradi.
“Ona bo‘lish hayotimdagi eng asosiy baxtdan biri. Chindan ham uch farzandimdan ko‘p narsani o‘rgandim. Sabr-toqat, mehr-oqibat, kamtarlik, ijodkorlik. Men bolalarimni hammadan ham ko‘proq yaxshi ko‘raman. Buni farzandli bo‘lgachgina tushunish mumkin. Men sizlarning onangiz ekanligimdan minnatdorman”, – deydi aktrisa.
Jennifer Lopes
Mark Entoni va Jennifer Lopesning egizaklari dunyoga kelganida, juftlik farzandlariga g‘amxo‘rlik qilishda enagadan foydalanmaslikka qaror qilgan. Ular o‘z ishlaridan navbatma-navbat farzandlari uchun vaqt ajratar edi. Juftlik ajrashganidan so‘ng, Jenniferga uning onasi va yaqinlari yordam bergan. Turmush o‘rtog‘i bilan ajrashgach, Jeni o‘g‘li uchun ustoz yollashga qaror qilgan. Chunki o‘g‘li hamisha ayollar qurshovida bo‘lib, unga haqiqiy erkak kishining tarbiyasi kerak edi.
Jennifer Lav Xyuitt
Aktrisaning qizi 1,5 yoshda ekanligida u ikkinchi farzandiga ham homilador edi. U intervyularining birida, hech qachon farzandlarini enagaga topshirmasligini ma’lum qilgan. Jennifer ham oddiy ayollar kabi barchasini o‘zi amalga oshirishini yoqtiradi. Shuningdek, hayotidagi barcha narsalar bilan farzandlar tarbiyasini taqqoslab, hammasi ikkichi o‘rinda ekanini anglab yetgan. Garchi farzand tarbiyasi oson ish bo‘lmasa-da, u hamisha baxtli. Hattoki Instagram sahifasida: “Eng yaxshi narsa – bu turmush qurish, farzandli bo‘lish va ularning kun sayin o‘zgarishini ko‘rishdir”, – deb yozgan.
Selin Dion
Xonandaning uch o‘g‘li bor. Unga dastlab farzand ko‘ra olmaslik tashxisi qo‘yilgan edi. Lekin tibbiy yo‘l orqali buni amalga oshirdi. “Men ham farzand ko‘rib, ularni tarbiya qilishni xohlar edim. Balki bugun ularsiz bo‘lishim mumkin edi, shuning uchun imkon qadar ular bilan ko‘p vaqt birga bo‘laman”, – deydi Selin. Selin hech qachon enaga haqida o‘ylamagan. Unga hamisha onasi va singlisi ko‘maklashib turgan.
Yeva Mendes va Rayan Gosling
Juftlikning ikki nafar farzandi bor. Yeva ularni tarbiyalashda enagaga murojaat qilmagan. Qanchalar charchagan bo‘lsa ham, ularni boshqa birovga ishonib topshira olmaydi. Shuningdek, oilaviy suratlarini Instagram sahifasiga joylab boradi.
Jessika Alba
Jessika oilasiga farzandlariga g‘amxo‘rlik qilishda yordam bergani uchun pul to‘laydi. Chunki uch nafar qiziga qarash qiyin va aktrisaning o‘zi ham bu boradan toliqib qoladi. Ammo u uchinchi farzandini dunyoga keltirgach, ancha o‘zgargan hamda tajribasi oshgan.
Skarlett Yoxansson
Yulduz ham bir vaqtlar bola tarbiyasini enagaga topshirishni xohlamagan. Ammo qizi tug‘ilgach ko‘p narsani tushunib yetgan. Masalan, bolalar kuni bilan kattalar oldida bo‘lganidan ko‘ra, tengdoshlari bilan yaxshi vaqt o‘tkazadi. Shunda ham aktrisa farzandiga boshqa bir inson g‘amxo‘rlik qilishini tasavvur qila olmaydi.
Sara Jessika Parker
Aktrisa uch farzandning onasi. Garchi ular bir muntazam yashaydigan enaga bo‘lmasa-da, vaqti-vaqti bilan bunga muhtojlik sezadi. Buni aktrisaning o‘zi ham tan oladi.
Aktrisa bolalariga g‘amxo‘rlik qilish, erta tongda ularga nonushta tayyorlash, qiziqishlarini o‘rganish, birgalikda o‘yinchoq o‘ynashga harakat qiladi. Shuningdek, farzandlarini ilk qadamini ko‘rish, ilk so‘zlarini eshitish baxtidan mosuvo bo‘lib qolmaslikka urinadi. Kamchiliklari bo‘lsa-da, yaxshi ona bo‘lishga butun hayotini bag‘ishlaydi.
Mavzuga doir:
Izoh (0)