Farg‘ona viloyatida Ikkinchi jahon urushi qatnashchilariga Prezident nomidan maxsus sovg‘a hamda 12 million so‘mdan pul mukofoti topshirildi, deya xabar berdi “Daryo” muxbiri Azizjon Ermatov.
Ma’lum qilinishicha, viloyat hokimi Xayrulla Bozorov, Sharqiy harbiy okrug qo‘shinlari qo‘mondoni, Mudofaa va xavfsizlik tizimlari rahbarlari, senatorlar, viloyat sektorlari rahbarlari va jamoatchilik vakillari viloyatning qator shahar va tumanlarida bo‘lib, urush qatnashchilari holidan xabar olgan.
Dastlab Quva tumanidagi Qayirma qishlog‘ida yashovchi Ergash ota Toshboyev xonadoniga borilgan. Harbiy orkestr ijrosidagi tantanali kuylar, mehmonlarning ochiq chehra bilan kirib kelishi otaxon va uning oila a’zolarini sevintirdi. Unga 12 million so‘m pul mukofoti ham topshirildi.
Ta’kidlanishicha, Prezident tabrigi, pul mukofoti va esdalik sovg‘alarini topshirish quvalik 96 yoshli Mo‘min ota Toshmatovning tug‘ilgan kuniga to‘g‘ri kelgan.
“Biz ko‘rgan kunlarni, urushni hech kim ko‘rmasin. Qanchadan-qancha vatandoshlarim jangdan qaytmadi. Yurtimiz hamisha tinch, xalqimiz omon bo‘lsin. Bizni e’zozlayotgan davlat rahbariga ming rahmat”, — dedi Mo‘min ota Toshmatov.
Tantanali tadbirlar davomida ularga ham viloyat rahbari tomonidan Prezident tabrigi va bayram sovg‘alari topshirilgan. Ayni kunda viloyatda 45 nafar urush qatnashchisi istiqomat qiladi.
Mavzuga doir:
Izoh (0)