Eronda Shveysariyaning Tehrondagi elchixonasi xodimi o‘zi yashaydigan ko‘p qavatli binodan yiqilib halok bo‘ldi. Bu haqda “RBK” xabar berdi.
Eron Favqulodda vaziyatlar boshqarmasi vakili Mojtab Xaledining so‘zlariga ko‘ra, Shveysariya elchixonasi xodimi bo‘lgan 51 yoshli ayol Tehronning Kamraniya tumanidagi ko‘p qavatli uydan yiqilib tushgan. Xaledi o‘lim holatlari va sabablari sud ekspertlari tomonidan tekshirilishini qo‘shimcha qildi.
Fojianing mojaro yoki uyga bostirib kirish singari ehtimoliy sabablari rad etildi.
Mehr agentligi xabariga ko‘ra, ayol Shveysariyaning Erondagi elchixonasi birinchi kotibi bo‘lgan. 1979-yil noyabr voqealari ortidan AQSh Eron bilan diplomatik aloqalarni uzganidan keyin Shveysariya elchixonasi 1980-yil apreldan beri Eronda amerikaliklarning manfaatlarini himoya qilib keladi.
22-aprel kuni Pokistonda Xitoy elchisini o‘ldirish maqsadida portlash sodir etilgan edi. Hodisa oqibatida kamida to‘rt kishi halok bo‘lgan, 12 kishi jarohatlangan.
Izoh (0)