“O‘zgidromet” may oyining dastlabki ikki kunida qanday ob-havo kuzatilishini ma’lum qildi

O‘zbekiston hududiga 30-aprel kuni Kaspiy dengizidan salqin va biroz nam havo kirib kelishi boshlandi, deb xabar bermoqda “O‘zgidromet”.

Qayd etilishicha shu kuni kechga tomon Toshkent, Samarqand, Jizzax, Sirdaryo viloyatlarining ba’zi joylarda biroz yomg‘ir yog‘ishi, momaqaldiroq bo‘lishi mumkin. Harorat 25-28 daraja atrofida bo‘ladi.

1-may, shanba kuni faqat respublikaning eng sharqiy tumanlarida biroz beqarorlik saqlanib turadi. Farg‘ona vodiysi viloyatlarida va tog‘li tumanlarda kechasi va ertalab ba’zi joylarda biroz yomg‘ir yog‘ishi, momaqaldiroq bo‘lishi mumkin. Respublikaning qolgan hududlarida yog‘ingarchiliksiz ob-havo bo‘lishi kutilmoqda. Harorat ushbu darajada saqlanib turadi.

2-may, yakshanba kuni O‘zbekistonning barcha hududlari bo‘yicha kam bulutli va quruq ob-havo bo‘lishi kutilmoqda. Havo harorati 29-32 darajagacha, janubda 34-37 darajagacha ko‘tariladi.

Dam olish kunlari ba’zi joylarda shamol 15-20 metr/sekundgacha kuchayishi mumkin.