AQShda Porsche brendining avtomobillari bilan to‘la bo‘lgan garaj sotuvga qo‘yildi. Gap bu yerda uy va garaj haqida ketmoqda, superkarlar kolleksiyasi sotilish yoki sotilmasligi noma’lum deb yozadi CARakoom.
Garaj egasi juda jiddiy Porsche kolleksiyasiga egalik qiladi. Bu yerda mashhur 996 GT2 va 911R modellarini uchratish mumkin, ammo bundan ham noyob avtomobillar tashrif buyuruvchi e’tiborini tortadi.
Masalan, ulkan orqa spoylerga ega to‘q qizil rangli Porsche 935 Straßenversion modeli mijoz buyurtmasiga ko‘ra, Porsche Exclusive tomonidan yagona nusxada yaratilgan.
Bu shunchaki qayta ishlangan 935 modeli emas, balki “obves”ga ega 911 Turbo. Bu poyga avtomobilining erkin nusxasi hisoblanib, undan farqlanadi: Straßenversion mutlaqo o‘zgacha spoylerga ega.
Yana bir noyob avtomobil — Martini livreyasiga ega Porsche 930 Turbo RS. Ushbu 911 taniqli dirijyor Gerbert fon Karayan tomonidan buyurtma qilingan. Carrera RSR shassisi foydalanilgan avtomobilgan 360 ot kuchiga ega motor o‘rnatilgan.
Bundan tashqari, garajda 20 nusxada yaratilgan 911 SC/RS, to‘rt nusxadagi 968 Turbo RS’dan biri, Indikar va boshqa qator modellarni uchratish mumkin. Sotuvga avtomobillar emas, uy qo‘yilgani sabab e’lon qilingan suratlarda butun kolleksiyasiyani ko‘rib bo‘lmaydi.
Uyning o‘zi Kaliforniyadagi Follbruk shahrida joylashgan. Umumiy maydoni 44 ming kvadrat metr. Garajga 40 dan ortiq mashina sig‘adi. Sotuvchi uy uchun 2,03 million yevro so‘ramoqda.
Avvalroq poyga uchun mo‘ljallangan Porsche’ning maketi haqiqiy Cayenne narxida sotuvga qo‘yilgani, kolumbiyalik narkobaron Pablo Eskobarga tegishli bo‘lgan Porsche sotilayotgani to‘g‘risida xabar berilgandi.
Izoh (0)