Muhammad al-Xorazmiy nomidagi Toshkent axborot texnologiyalari universitetida o‘quv jarayoni 27-apreldan 10-mayga qadar (14 kun) masofaviy shaklda tashkil etiladi.
Talaba-yoshlar o‘rtasida koronavirus infeksiyasi keng tarqalishining oldini olish maqsadida shunday qaror qilingan. Universitetda o‘quv jarayonini masofaviy shaklda — Zoom orqali dars jadvalida belgilangan vaqtlarda o‘tilishi ta’minlanadi.
Ikki hafta muddatli masofaviy ta’lim talabalar uchun belgilanmoqda. Barcha xodimlar, professor-o‘qituvchilar karantin qoidalariga rioya etgan holda o‘z vazifalarini amalga oshiradi.
Bundan avval Guliston davlat universiteti, Farg‘ona davlat universiteti 14 kunlik masofaviy ta’limga o‘tkazilgani haqida xabar berilgan edi. Shuningdek, Toshkent davlat sharqshunoslik universitetida darslar 22-apreldan masofaviy shaklga o‘tkazilgani, O‘zJOKUda masofaviy ta’lim o‘quv yili oxirigacha davom ettirilishi ma’lum qilingandi.
Izoh (0)