Nukusda o‘zini kanalga tashlagan 21 yoshli qizni Milliy gvardiya xodimlari tomonidan qutqarib qolindi. Bu haqda Milliy gvardiya matbuot xizmati xabar berdi.
26-aprel kuni soat 08:30 larda olingan xabarga ko‘ra voqea joyiga yetib borgan Milliy gvardiya harbiy xizmatchilari tomonidan Nukus shahri bo‘ylab o‘tgan Do‘stlik kanaliga o‘zini tashlagan qiz suvdan qutqarib olingan.
Qizga o‘z vaqtida birinchi tibbiy yordam ko‘rsatilib, shahar tibbiyot birlashmasiga yetkazilgan. Dastlabki surishtiruvlarda u Nukus shahrida yashovchi 2000-yilda tug‘ilgan D.N. ekanligi aniqlangan.
Hozirda mazkur holat yuzasidan Nukus shahar IIB tomonidan surishtiruv ishlari davom etmoqda.
Avvalroq Milliy gvardiya xodimlari Qoraqalpog‘istonda ko‘prikdan suvga sakragan ayolni qutqargani, shuningdek, Zarafshon daryosining Samarqand shahridan oqib o‘tuvchi qismida suvga cho‘kib ketayotgan ayolni, Toshkentda Anhor kanaliga o‘zini tashlagan 33 yoshli ayolni va ushbu anhorda cho‘kayotgan 39 yoshli ayolni qutqarib qolgani haqida xabar berilgan edi.
Izoh (0)