Нукусда ўзини каналга ташлаган 21 ёшли қизни Миллий гвардия ходимлари томонидан қутқариб қолинди. Бу ҳақда Миллий гвардия матбуот хизмати хабар берди.
26 апрель куни соат 08:30 ларда олинган хабарга кўра воқеа жойига етиб борган Миллий гвардия ҳарбий хизматчилари томонидан Нукус шаҳри бўйлаб ўтган Дўстлик каналига ўзини ташлаган қиз сувдан қутқариб олинган.
Қизга ўз вақтида биринчи тиббий ёрдам кўрсатилиб, шаҳар тиббиёт бирлашмасига етказилган. Дастлабки суриштирувларда у Нукус шаҳрида яшовчи 2000 йилда туғилган Д.Н. эканлиги аниқланган.
Ҳозирда мазкур ҳолат юзасидан Нукус шаҳар ИИБ томонидан суриштирув ишлари давом этмоқда.
Аввалроқ Миллий гвардия ходимлари Қорақалпоғистонда кўприкдан сувга сакраган аёлни қутқаргани, шунингдек, Зарафшон дарёсининг Самарқанд шаҳридан оқиб ўтувчи қисмида сувга чўкиб кетаётган аёлни, Тошкентда Анҳор каналига ўзини ташлаган 33 ёшли аёлни ва ушбу анҳорда чўкаётган 39 ёшли аёлни қутқариб қолгани ҳақида хабар берилган эди.
Изоҳ (0)