Navoiy viloyat IIB axborot xizmati rahbari O‘ktam Usmonovning “Daryo”ga xabar berishicha, Navoiy shahrida 29 yoshli fuqaro K.T.ni fohishalikka yollab, uni Qirg‘iziston orqali Turkiya davlatiga jo‘natmoqchi bo‘lgan ayol qo‘lga olingan.
Ta’kidlanishicha, Navoiy shahrida Go‘zal taxallusi bilan hamtovoqlari ichida yaxshigina nom qozongan fuqaro Sh.B. viloyat hududida yashovchi qizlarni shahvoniy maqsadda ishga taklif qilish orqali ularni Turkiya davlatiga yuborishni ko‘zlab yurganligi aniqlangan. Holat bo‘yicha kelib tushgan tezkor ma’lumotga asosan, viloyat IIBT va EQKB xodimlari tomonidan tezkor tadbir o‘tkazilgan.Ma’lum bo‘lishicha, Sh.B. Qiziltepa tumani, “Saroy” MFYda yashovchi, 29 yoshli K.T.ni Qirg‘iziston Respublikasining Bishkek shahri orqali Turkiya davlatiga olib ketib, fohishalikka yollashni maqsad qilgan. U 29 yoshli ayolni Andijon viloyatining Paxtaobod tumani “Madaniyat” xalqaro punkti orqali chegaradan olib o‘tib ketmoqchi bo‘lgan vaqtida qo‘lga olingan. Va tegishli tartibda holatga oid hujjatlar rasmiylashtirilgan.
Mazkur holat yuzasidan Jinoyat kodeksining 135-moddasi 2-qismi (odam savdosi) bilan jinoyat ishi qo‘zg‘atilgan. Ayni paytda tergov harakatlari olib borilmoqda.
Mavzuga doir:
- Toshkent xalqaro aeroportida fuqaroni xorijga fohishalik qilish uchun jo‘natayotgan 20 yoshli qiz va uning sherigi ushlandi
- Andijonda ikki nafar tanishini Turkiyaga fohishalik qilishga olib ketmoqchi bo‘lgan namanganlik ayol qo‘lga olindi
- Andijonda tanishining surati va telefon raqamini fohishalik qiladi deb tarqatib yuborgan qizga jinoyat ishi qo‘zg‘atildi
Izoh (0)