“Mehr va oqibat” hayvonlarni himoya qilish jamiyati viloyatlar veterinarlarini Toshkentdagi xususiy klinikalarda boshpanasiz it va mushuklarni sterilizatsiya hamda kastratsiya qilish (bichish) bo‘yicha o‘qitish loyihasini ishga tushirdi.
Boshpanasiz hayvonlar sonini insonparvarlik yo‘li bilan kamaytirish dasturini amalga oshirishda ularni sterilizatsiya va kastratsiya qilish nazarda tutilgan. Biroq hayvon himoyachilari mamlakatning ko‘plab tumanlarida ushbu operatsiyani amalga oshira oladigan veterinarlar yo‘qligiga oid muammoga duch keldi.
“Shu sababli ko‘payishga mo‘ljallanmagan hayvonlarni majburiy sterilizatsiya qilish haqida hali gapira olmaymiz. Bu uzoq jarayon va davlat yordamisiz uddalay olmaymiz”, — deyiladi xabarda.
“Mehr va oqibat” loyihasini O‘zbekiston Veterinariya va chorvachilikni rivojlantirish davlat qo‘mitasi, Toshkent davlat agrar universiteti hamda Toshkent viloyati Veterinariya boshqarmasi qo‘llab-quvvatlagan. Dastlabki ikkita muassasa tomonidan hozirda hamkorlik memorandumi tayyorlanmoqda, uchinchisi bilan hujjat imzolab bo‘lingan.
Loyihaning birinchi bosqichida Toshkent viloyatidagi veterinarlar poytaxtdagi “Doktor Vet”, “Liga Vet”, Doctor & Animals, “Impurls” va “Doktor Aybolit” xususiy veterinariya klinikalarida sterilizatsiyani o‘rganadi.
Izoh (0)