Навоий вилоят ИИБ ахборот хизмати раҳбари Ўктам Усмоновнинг «Дарё»га хабар беришича, Навоий шаҳрида 29 ёшли фуқаро К.Т.ни фоҳишаликка ёллаб, уни Қирғизистон орқали Туркия давлатига жўнатмоқчи бўлган аёл қўлга олинган.
Таъкидланишича, Навоий шаҳрида Гўзал тахаллуси билан ҳамтовоқлари ичида яхшигина ном қозонган фуқаро Ш.Б. вилоят ҳудудида яшовчи қизларни шаҳвоний мақсадда ишга таклиф қилиш орқали уларни Туркия давлатига юборишни кўзлаб юрганлиги аниқланган. Ҳолат бўйича келиб тушган тезкор маълумотга асосан, вилоят ИИБТ ва ЭҚКБ ходимлари томонидан тезкор тадбир ўтказилган.Маълум бўлишича, Ш.Б. Қизилтепа тумани, «Сарой» МФЙда яшовчи, 29 ёшли К.Т.ни Қирғизистон Республикасининг Бишкек шаҳри орқали Туркия давлатига олиб кетиб, фоҳишаликка ёллашни мақсад қилган. У 29 ёшли аёлни Андижон вилоятининг Пахтаобод тумани «Маданият» халқаро пункти орқали чегарадан олиб ўтиб кетмоқчи бўлган вақтида қўлга олинган. Ва тегишли тартибда ҳолатга оид ҳужжатлар расмийлаштирилган.
Мазкур ҳолат юзасидан Жиноят кодексининг 135-моддаси 2-қисми (одам савдоси) билан жиноят иши қўзғатилган. Айни пайтда тергов ҳаракатлари олиб борилмоқда.
Мавзуга доир:
- Тошкент халқаро аэропортида фуқарони хорижга фоҳишалик қилиш учун жўнатаётган 20 ёшли қиз ва унинг шериги ушланди
- Андижонда икки нафар танишини Туркияга фоҳишалик қилишга олиб кетмоқчи бўлган наманганлик аёл қўлга олинди
- Андижонда танишининг сурати ва телефон рақамини фоҳишалик қилади деб тарқатиб юборган қизга жиноят иши қўзғатилди
Изоҳ (0)