Xayrulla Umarov Bandlik va mehnat munosabatlari vazirligi huzuridagi Tashqi mehnat migratsiyasi agentligiga rahbar etib tayinlandi. Bu haqda vazirlik matbuot xizmati ma’lum qildi.
Tayinlovga qadar Xayrulla Umarov Tashqi mehnat migratsiyasi agentligi boshlig‘i birinchi o‘rinbosari lavozimida ishlab kelgan.
Ushbu lavozimda u agentlikka 2020-yilning iyulidan rahbarlik qilib kelgan Muhammadzokir Mamatxonov o‘rnini egalladi. Muhammadzokir Mamatxonov 2021-yilning fevralida Namanganning Uychi tumaniga hokim etib tayinlangach, ushbu lavozim vakant bo‘lib qolgan edi.
Eslatib o‘tamiz, agentlikka 2018-yildan buyon rahbarlik qilgan Ravshan Ibragimovga korrupsiya, jinoiy faoliyatdan olingan daromadlarni legallashtirish, kompyuter axborotidan qonunga xilof ravishda foydalanish bo‘yicha jinoyat ishi qo‘zg‘atilib, 2019-yilda sud hukmi e’lon qilingan va 12-yilga ozodlikdan mahrum qilingan edi.
Izoh (0)