La Liga. “Barselona” Antuan Grizmanning dubli evaziga irodali g‘alabaga erishdi
Futbol bo‘yicha Ispaniya La Ligasining 32-turida “Barselona” 25-aprel, yakshanba kuni “Vilyarreal” maydonida mehmon bo‘ldi.
Uchrashuvning 26-daqiqasida Samuel Chukvueze maydon egalarini oldinga olib chiqdi. Oradan ikki daqiqa o‘tib, Antuan Grizmann muvozanatni tiklagan bo‘lsa, 35-daqiqada fransiyalik futbolchi dublni nishonlagan holda hisobni katalonlar tomoniga og‘dirdi.
66-daqiqada Manu Trigeros Leo Messiga nisbatan ishlatgan qo‘polligi uchun to‘g‘ridan to‘g‘ri qizil kartochkaga loyiq ko‘rildi. Qolgan vaqtda hisob o‘zgarmadi.
Ushbu g‘alabadan keyin “Barselona” ochkolarini 71 taga yetkazib oldi va bitta zaxira o‘yiniga ega bo‘lgan holda “Real”ga yetib oldi. Faqat “Atletiko” (73) katalonlardan oldinda bormoqda.
La Liga
32-tur bahslari
25-aprel, yakshanba
“Vilyarreal” — “Barselona” 1:2
Gollar: 1:0 – 26 Chukvueze, 1:1 – 28 Grizmann, 1:2 – 35 Grizmann.“Vilyarreal”: Asenxo, Albiol (Mario Gaspar, 89), Alberto Moreno (Estupinyan, 60), Foyt, Pau Torres, Kapu (Moyses Gomes, 76), Parexo, Chukvueze (Pino, 89), Trigeros, Pako Alkaser (Koklen, 60), Xerar Moreno.
“Barselona”: ter Shtegen, Alba, Langle, Mingesa, Dest (Serxi Roberto, 46), de Yong, Buskets (Arauxo, 88), Pedri (Moriba, 64), Pike, Messi, Grizmann (Dembele, 80).
Ogohlantirishlar: Grizmann (50), Albiol (66), Pau Torres (74), Buskets (82).
Chetlatish: Trigeros (65).
“Ueska” — “Xetafe” 0:2
Gollar: 0:1 – 20 Unal, 0:2 – 52 Unal.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
