Futbol bo‘yicha O‘zbekiston Kubogining 2-turidan o‘rin olgan bir qator o‘yinlar 25-aprel, yakshanba kuni bo‘lib o‘tdi.
“Surxon” o‘z maydonida “Buxoro”ni qabul qilib, 5:2 hisobida g‘alaba qozondi. Dastlab mehmonlar safida Davronbek Isoqov ikki bor mezbonlar darvozasini ishg‘ol qilgandi, ammo termizliklar bunga Zohir Pirimov va Jasur Xolto‘rayevning dubli va Nuriddin Hasanovning goli bilan javob qaytarib, kambekni amalga oshirdi.
“Qo‘qon-1912” “Mash’al” bilan bahs yuritdi. Gollarga boy o‘tgan o‘yinda vodiyliklar 3:2 hisobidagi g‘alabani tantana qildi. Gollarga Sardor Abduraimov, Shohnazar Norbekov, Hamidullo Abduhamidov (dubl) va Sirojiddin Allayev mualliflik qildi.
“Metallurg” o‘z maydonida “Yangiyer”ni qabul qildi va 2:0 hisobidagi ishonchli g‘alabaga erishdi. 61-daqiqada Dilshod Rahmatullayev hisobni ochgan bo‘lsa, 90+3-daqiqada Zohid Abdullayev oradagi farqni oshirdi.
Samarqandning “Dinamo”si “G‘ijduvon”ni bilan bahs yuritib, raqib darvozasiga javobsiz 5 ta gol urdi. Mezbonlarning gollari Oleg Marchuk, Dmitro Sidorenko, Udod Mixaylo, Shohruxbek Abdurahmonov va Islom Sharipov hisobiga yozildi.
Musobaqaning 2-turidan o‘rin olgan qolgan o‘yinlar 26-aprel, dushanba kuni bo‘lib o‘tadi.
O‘zbekiston Kubogi
Guruh bosqichi, 2-tur bahslari
“Qo‘qon-1912” — “Mash’al” 3:2
Gollar: 0:1 — 20 Abduraimov, 1:1 — 67 Norbekov, 2:1 — 68 Abduhamidov, 2:2 — 77 Allayev, 3:2 — 87 Abduhamidov.“Surxon” — “Buxoro” 5:2
Gollar: 0:1 — Isoqov, 0:2 — 12 Isoqov, 1:2 — Hasanov, 2:2 — 35 Xolto‘rayev, 3:2 — 41 Zohir Pirimov, 4:2 — 59 Xolto‘rayev, 5:2 — 71 Pirimov.“Dinamo S” — “G‘ijduvon” 5:0
1:0 — 13 Marchuk, 2:0 — 26 Sidorenko, 3:0 — 30 Mixaylo, 4:0 — 57 Abdurahmonov, 5:0 — 89 Sharipov.“Metallurg” — “Yangiyer” 2:0
Gollar: 1:0 — 6 Rahmatullayev, 2:0 — 90+3 Abdullayev.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)