AQShning Florida shtati Jeksonvill shahrida Toshkent vaqti bilan 25-aprel, yakshanba kuni UFC 261 musobaqasi o‘tkazildi.
Musobaqaning asosiy kardida uchta chempionlik jangi bo‘lib o‘tdi. Jumladan, ayollar o‘rtasida qirg‘izistonlik Valentina Shevchenko amerikalik Jessika Andradeni 2-raundda texnik nokautga uchratib, chempionlik kamarini himoya qildi. Yana bir chempionlik jangida amerikalik Rouz Namayunas xitoylik amaldagi chempion Chjan Veylini 1-raunddayoq nokautga uchratdi va UFC kamariga yana bir bor ega chiqdi.
Musobaqaning asosiy jangida yarim o‘rta vazn chempioni Kamaru Usmon da’vogar Xorxe Masvidalga qarshi oktagonga chiqdi. Jang 2-raunddayoq yakunlandi. Usmon o‘ta kuchli zarbasi bilan Masvidalni nokautga uchratdi va chempionlik kamarini o‘zida saqlab qoldi.
UFC 261 musobaqasi natijalari bilan tanishing:
Asosiy kard:
- Kamaru Usmon 2-raunddayoq Xorxe Masvidalni nokautga uchratdi va chempionlikni o‘zida saqlab qoldi.
- Rouz Namayunas 1-raunddayoq Chjan Veylini nokautga uchratib, chempionga aylandi.
- Valentina Shevchenko 2-raunddayoq Jessika Andradeni texnik nokautga uchratdi va chempionlikni himoya qildi.
- Yuraya Holl 1-raundda Kris Vaydmanni texnik nokautga uchratib g‘olib bo‘ldi.
- Entoni Smit 1-raundda texnik nokaut evaziga Jim Krutni mag‘lub etdi.
- Rendi Braun 1-raunddayoq Aleks Oliveyrani taslim etdi.
- Duayt Grant hakamlar qaroriga ko‘ra Stefan Sekulichdan ustun keldi.
- Brendan Allen 1-raunddayoq Karl Robersonni mag‘lub etdi.
- Pet Sabatini hakamlar qaroriga ko‘ra Tristan Konnellini taslim qildi.
- Dana Batgerel 1-raundda texnik nokaut bilan Kevin Netividedni mag‘lub qildi.
- Rodrigo Vargas hakamlar qaroriga ko‘ra Chju Jun ustidan g‘alabaga erishdi.
- Jeff Molina hakamlar qaroriga ko‘ra Silen Aojini mag‘lub etdi.
- Arian Karnelossi 2-raundda Lyan Nani texnik nokautga uchratdi.
Izoh (0)