A Seriya. Eldor Shomurodov super gol urgan o‘yinda “Jenoa” ishonchli g‘alabaga erishdi
Futbol bo‘yicha Italiya A Seriyasining 33-turida “Jenoa” 24-aprel, shanba kuni “Spetsiya”ni qabul qildi.
Uchrashuvda 2:0 hisobida Genuya klubi g‘alaba qozondi. Dastlab Janluka Skamakka 62-daqiqada hisobni ochdi, 86-daqiqaga kelib esa zaxiradan o‘yinga qo‘shilgan o‘zbekistonlik hujumchi Eldor Shomurodov darvozabon bilan bir-birga vaziyatda super gol urib, jamoasiga ishonchli g‘alabani taqdim etdi. Shu tariqa Shomurodovning “Jenoa” safida (A Seriya doirasida) 9 ta o‘yindan iborat bo‘lgan golsiz seriyasiga nuqta qo‘yildi.
“Jenoa” — “Spetsiya” uchrashuvida urilgan gollarni bu yerda ko‘rish mumkin — video.
A Seriya
33-tur bahsi
24-aprel, shanba
“Jenoa” — “Spetsiya” 2:0
Gollar: 1:0 – 62 Skamakka, 2:0 – 86 Shomurodov.“Jenoa”: Perin, Biraski, Goldaniga, Masyello, Zappakosta, Strotman (Kassata, 90), Badel, Pyatsa (Behrami, 63), Krishito, Destro (Shomurodov, 63), Pandev (Skamakka, 56).
“Spetsiya”: Provedel, Erlich, Bastoni, Vinyali (Agudelo, 85), Tersi (Shabo, 64), Leo Sena, Majore (Esteves, 59), Pobega, Jasi (Galabinov, 85), Farias (Verde, 64), Zola.
Ogohlantirishlar: Tersi (1), Krishito (18), Pandev (32), Zola (37).
