Qozog‘iston prezidentining “Qozoq alifbosini kirill alifbosidan lotin yozuviga o‘tkazishning ba’zi masalalari to‘g‘risida” farmon loyihasi jamoatchilik muhokamasiga olib chiqildi. Bu haqda Tengrinews xabar berdi.
Agar farmon davlat rahbari tomonidan imzolansa, lotin yozuviga asoslangan qozoq tilining yangi alifbosi rasmiy ravishda tasdiqlanadi.
Hozirda alifboning yangi tahrirdagi ko‘rinishi quyidagicha:
Yangi alifboda digraflar ishlatilmaydi, ya’ni bitta tovush ikki yoki undan ortiq belgilar bilan ifodalanmaydi.
Shuni ta’kidlash kerakki, alifboning yangi versiyasidagi “Ң” harfi imlosi mamlakat prezidentiga 2021-yil yanvarida taqdim etilgan versiyaga nisbatan farq qiladi. Unda “ың” tovushi lotin alifbosida “Ñ” deb ko‘rsatilgan. Davlat rahbariga yanvarda taqdim etilgan jadvalda mazkur tovush “Ƞ” belgisi bilan belgilangan edi.
O‘zbekistonda mart oyi o‘rtasida “‘Lotin yozuviga asoslangan o‘zbek alifbosini joriy etish to‘g‘risida’gi qonunga o‘zgartirishlar kiritish haqida”gi qonun loyihasi jamoatchilik muhokamasi uchun e’lon qilingan edi. Yangi alifboda o‘, g‘ harflari, shuningdek, sh, ch qo‘shharflarini o‘zgartirish taklif etilgan.
Izoh (0)