Қозоғистон президентининг «Қозоқ алифбосини кирилл алифбосидан лотин ёзувига ўтказишнинг баъзи масалалари тўғрисида» фармон лойиҳаси жамоатчилик муҳокамасига олиб чиқилди. Бу ҳақда Tengrinews хабар берди.
Агар фармон давлат раҳбари томонидан имзоланса, лотин ёзувига асосланган қозоқ тилининг янги алифбоси расмий равишда тасдиқланади.
Ҳозирда алифбонинг янги таҳрирдаги кўриниши қуйидагича:
Янги алифбода диграфлар ишлатилмайди, яъни битта товуш икки ёки ундан ортиқ белгилар билан ифодаланмайди.
Шуни таъкидлаш керакки, алифбонинг янги версиясидаги «Ң» ҳарфи имлоси мамлакат президентига 2021 йил январида тақдим этилган версияга нисбатан фарқ қилади. Унда «ың» товуши лотин алифбосида «Ñ» деб кўрсатилган. Давлат раҳбарига январда тақдим этилган жадвалда мазкур товуш «Ƞ» белгиси билан белгиланган эди.
Ўзбекистонда март ойи ўртасида «‘Лотин ёзувига асосланган ўзбек алифбосини жорий этиш тўғрисидаъги қонунга ўзгартиришлар киритиш ҳақида»ги қонун лойиҳаси жамоатчилик муҳокамаси учун эълон қилинган эди. Янги алифбода ў, ғ ҳарфлари, шунингдек, ш, ч қўшҳарфларини ўзгартириш таклиф этилган.
Изоҳ (0)