2021-yilning aprel oyi “Jumanji” va “Forsaj” yulduzi Dueyn Jonson uchun omadli keldi. Piplsay kompaniyasi tomonidan o‘tkazilgan ijtimoiy so‘rovnomada 46 foiz ishtirokchi agar prezidentlikka nomzod bo‘lsa, unga ovoz berishini bildirgan. 17-aprel kuni kenja qizi Tian tug‘ilgan kunini nishonlagan, qizaloq uch yoshga to‘lgan.
Qolaversa, aynan mazkur oyda Los-Anjelesdan yangi uy sotib olgan. 2020-yilda Forbes tomonidan qatorasiga ikkinchi marta eng ko‘p haq to‘lanadigan aktyor deb atalgan Dueyn 27,8 million dollar sarflab Denzel Vashington,Silvestr Stallone, Rod Styuard hamda Eddi Merfiga qo‘shni bo‘lgan.
Uyning eski egasi “Beverli-Xillzlik politsiyachi” filmidagi roli bilan yaxshi tanish bo‘lgan Pol Rayzer bo‘lgan. Uni musiqachi Aleks Van Xalen 1993-yilda qurdirgan.
Maydoni 1672 kvadrat metrni tashkil qiladigan uy hududida tennis korti, bog‘, basseyndan tashqari sport zali, uy kinoteatri va hatto musiqa studiyasi ham bor.
O‘rta Yer dengizi uslubidagi, arkalari bor mazkur kompleks haqiqiy kurortga taqqoslanadi.
Izoh (0)