AOKAda bo‘lib o‘tgan brifingda Koronavirusga qarshi kurashish shtabi a’zosi Nurmat Otabekov yuqumli kasalliklarga qarshi emlash jarayonlari borasida ma’lumot berdi.
Emlash tadbirlari va vaksinalarning samaradorligi bo‘yicha qanday statistik raqamlarni ayta olasiz?
– Hozir respublikamizda shol (poliomiyelit), bo‘g‘ma (difteriya), chaqaloqlar qoqsholi (stolbnyak), 20 yoshgacha bo‘lganlar orasida virusli gepatit B, bakterial meningit kasalliklari, shuningdek, 5 yoshgacha bo‘lgan bolalar orasida rotovirus kasalligidan o‘lim holatlari umuman qayd etilmayapti.
Maktab o‘quvchilari emlanishlari uchun moliyaviy imkoniyatlari bo‘lmasa, u holda qanday yo‘l tutiladi?
– O‘zbekistonda bolalarni emlash jarayonlari bepul.
Bola u yoki bu kasallikka qarshi emlanganidan so‘ng nojo‘ya ta’sirlar ham kuzatilib turadimi?
– Emlashdan keyin nojo‘ya ta’sirlar kuzatilib turishi tabiiy hol. Nojo‘ya ta’sirlarning barchasi ro‘yxatga olinadi va monitoring qilib boriladi.
Eslatib o‘tamiz, avvalroq O‘zbekistonda 6,5 milliondan ortiq bolalar ommaviy degelmintizatsiya tadbirlariga jalb qilinishi ma’lum qilingandi.
Mavzuga doir:
Izoh (0)