АОКАда бўлиб ўтган брифингда Коронавирусга қарши курашиш штаби аъзоси Нурмат Отабеков юқумли касалликларга қарши эмлаш жараёнлари борасида маълумот берди.
Эмлаш тадбирлари ва вакциналарнинг самарадорлиги бўйича қандай статистик рақамларни айта оласиз?
– Ҳозир республикамизда шол (полиомиелит), бўғма (дифтерия), чақалоқлар қоқшоли (столбняк), 20 ёшгача бўлганлар орасида вирусли гепатит Б, бактериал менингит касалликлари, шунингдек, 5 ёшгача бўлган болалар орасида ротовирус касаллигидан ўлим ҳолатлари умуман қайд этилмаяпти.
Мактаб ўқувчилари эмланишлари учун молиявий имкониятлари бўлмаса, у ҳолда қандай йўл тутилади?
– Ўзбекистонда болаларни эмлаш жараёнлари бепул.
Бола у ёки бу касалликка қарши эмланганидан сўнг ножўя таъсирлар ҳам кузатилиб турадими?
– Эмлашдан кейин ножўя таъсирлар кузатилиб туриши табиий ҳол. Ножўя таъсирларнинг барчаси рўйхатга олинади ва мониторинг қилиб борилади.
Эслатиб ўтамиз, аввалроқ Ўзбекистонда 6,5 миллиондан ортиқ болалар оммавий дегелминтизация тадбирларига жалб қилиниши маълум қилинганди.
Изоҳ (0)