O‘zbekistonda o‘tgan bir sutka ichida 27,5 ming kishi koronavirusga qarshi emlandi
O‘zbekiston hududlari bo‘ylab 19-aprel kuni jami 27 591 nafar kishi COVID-19’ga qarshi emlandi, deb xabar bermoqda Sog‘liqni saqlash vazirligi matbuot xizmati.
Foto: SSV matbuot xizmati
Shu tariqa ayni kungacha mamlakatda koronavirus infeksiyasiga qarshi emlangan fuqarolar soni 430 727 nafarga yetdi.
19-aprel kunidagi emlash ko‘rsatkichlari bo‘yicha yuqori o‘rinlarni
Farg‘ona viloyati (4320 nafar),
Samarqand viloyati (3971 nafar),
Namangan viloyati (3313 nafar) band qildi.
Ta’kidlanishicha, hozirga qadar jami emlanganlar soni bo‘yicha rekord ko‘rsatkich Farg‘ona viloyatida (62 849 nafar) qayd etilgan. Andijon viloyatida bu ko‘rsatkich 45 182 nafarni, Namangan viloyatida 43 977 nafarni, Samarqand viloyatida esa 40 149 nafarni tashkil qilmoqda.
Eslatib o‘tamiz, O‘zbekistonda bugungi kunda 1 million 660 ming doza vaksina bor. Ularning 660 ming dozasi COVAX jamg‘armasi tomonidan olib kelingan AstraZeneca vaksinasi, 1 million dozasi O‘zbekiston—Xitoy hamkorligida ishlab chiqilgan ZF-UZ-VAC 2001 vaksinasi. O‘zbekistonga aprel oxiriga qadar yana 1 million dona Xitoy va 300 ming dona “Sputnik V” vaksinalari olib kelinishi ma’lum qilingan.
Izoh (0)