Futbol olamida yangi musobaqa — Yevropa Superligasini tashkil etilishini 18-aprel kuni rasman ma’lum qilindi.
Yevropaning 12 ta klubi tomonidan tashkil etilgan mazkur musobaqaga “Real” prezidenti Florentino Peres rahbar etib tayinlandi. “Yuventus” prezidenti Andrea Anyelli esa unga o‘rinbosar bo‘ldi.
Shuning yuzasidan Anyelli Yevropa klublari assotsiatsiyasi (ECA) prezidentligidan ketdi. Shuningdek, funksioner UEFA ijroqo‘m a’zoligidan ham chiqarib yuborilgan.
ECA’da 18-aprel kuni navbatdan tashqari yig‘ilish o‘tkazilgan. Unda Anyelli va Superligani yaratishda ishtirok etgan klublar vakillari ishtirok etmagan. Ushbu yig‘ilishda ECA Superliganing tashkil etilishiga qarshi ekanini va bu borada UEFAning pozitsiyasini qo‘llab-quvvatlashini ma’lum qilgan.
Shu tariqa Superliganing ta’sischisi hisoblangan 12 ta klub ham ECA a’zoligidan chiqdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)