Yevropa Superligasini tashkil qilgan klublar UEFA va FIFAni yangi musobaqani joriy qilishga xalal bermaslikka chaqirdi.
Yevropa Superligasi ta’sischilari yuqori futbol tashkilotlari tomonidan amalga oshiriladigan taqiq va sanksiyalar yangi musobaqaning tashkil etilishiga to‘sqinlik qilishga tenglashtirilishi hamda bu holat sudlashuvgacha borishi haqida ogohlantirgan.
Avvalroq UEFA va FIFA Superligani tashkil qilishga urinayotganlarni ogohlantirgan, uning barcha ishtirokchilari milliy chempionatlar hamda xalqaro maydondagi o‘yinlardan chetlatilishi mumkinligi haqida ma’lum qilgandi.
Mavzuga doir: Futbolda asr to‘ntarilishi: Yevropa Superligasi o‘zi qanday musobaqa va nimalar bo‘lmoqda? (tafsilotlar)
Shu tufayli SLCo (Super League Company) yangi musobaqani tegishli qonunlar asosida to‘sqinliklarsiz tashkil etish va ishga tushirishni ta’minlash uchun sudga ariza bilan chiqdi.
Superliga Yevropa futbolining muhim qismi bo‘lgan mavjud milliy chempionatlar va Kubok musobaqalari qatorida o‘tkazilishi lozim.
Biz Chempionlar Ligasi yoki Yevropa Ligasini o‘rnini egallashga intilmaymiz, biz bu musobaqalar bilan raqobat qilishni va ular bilar birgalikda mavjud bo‘lishni xohlaymiz”, — deyiladi FIFA va UEFA prezidentlariga yuborilgan xatda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)