Futbol bo‘yicha Ispaniya La Ligasining 31-turidan o‘rin olgan bir qator uchrashuvlar 18-aprel, yakshanba kuni bo‘lib o‘tdi.
Madridning “Atletiko”si o‘z uyida “Eybar”ni qabul qildi va yirik hisobda g‘alaba qozondi. Madridliklar safida Anxel Korrea va Markos Lyorente ikkitadan to‘p kiritgan bo‘lsa, yana bir golga Yannik Ferreyra Karrasko mualliflik qildi.
Ushbu g‘alabadan keyin madridliklarning ochkolari 70 taga yetdi va jamoa peshqadamlikda davom etmoqda.
“Sevilya” ushbu turda “Real Sosyedad” mehmoni bo‘ldi. Avvaliga tezkor gol o‘tkazib yuborgan mehmonlar keyinchalik ikkita to‘p bilan javob bergan holda g‘alabani qo‘lga kiritdi.
Bu g‘alabadan keyin “Sevilya” ochkolarini 64 taga yetkazib oldi va uchinchi o‘rindagi “Barselona”dan bir ochko ortda qolmoqda.
La Liga
31-tur bahslari
18-aprel, yakshanba
“Atletiko” — “Eybar” 5:0
Gollar: 1:0 – 42 Korrea, 2:0 – 44 Korrea, 3:0 – 49 Karrasko, 4:0 – 53 Lyorente, 5:0 – 68 Lyorente.“Atletiko”: Oblak, Lodi, Trippyer, Savich (Felipe, 74), Ximenes, Karrasko (Torreyra, 70), Errera (Kondogbia, 69), Lyorente, Saul, Korrea (Dembele, 61), Koke (Vitolo, 61).
“Eybar”: Dmitrovich, Dufur (Oliveyra, 63), Rodriges (Resio, 72), Burgos, Poso, Atensa, Alvares, Xose Anxel (Rafa Soaresh, 72), Aleish Garsiya (Inui, 62), Arbilya, Kike Garsiya (Kike Gonsales, 72).
Ogohlantirishlar: Oliveyra (88).
“Real Sosyedad” — “Sevilya” 1:2
Gollar: 1:0 – 5 Fernandes, 1:1 – 22 Fernando, 1:2 – 24 an-Nesiri.“Osasuna” — “Elche” 2:0
Gollar: 1:0 – 38 Barxa, 2:0 – 68, avtogol Diyego Gonsales.“Alaves” — “Ueska” 1:0
Gol: 1:0 – 85 Battalya.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)