Узоқ йиллардан буён Ўзбекистонда цемент етишмовчилиги қурилиш соҳасининг энг оғриқли муаммоларидан бири бўлиб келмоқда. Йилдан йилга ошиб бораётган цемент импорти ҳам бунга яққол далил бўла олади. Айни дамда мамлакатимиз экологияга энг минимал таъсир этувчи, автоматлаштирилган, замонавий инфраструктурага эга, сифатли маҳсулот ишлаб чиқаришга ихтисослашган ўнлаб заводларга эҳтиёж сезмоқда. «Евроцемент Груп» холдинги таркибига кирувчи, «Оҳангаронцемент» корхонаси негизида янги ташкил этилган қурилиш материаллари ишлаб чиқариш бўйича саноат кластери ана шундай муаммоларга ечим бериши кўзда тутилган.
Кластернинг асосий лойиҳаси замонавий, қуруқ усулда цемент ишлаб чиқарувчи завод бўлиб, йилига 3 миллион тонна маҳсулот ишлаб чиқариш қувватига эга. Бу эса Ўзбекистонда 2020 йил давомида ишлаб чиқарилган жами цемент ҳажмининг чоракдан кўп қисмига тенг дегани.
Бундан ташқари, кластер доирасида қуйидаги лойиҳалар — йилига 100 минг куб метр қувватга эга бўлган, юқори маркали зилзилага бардошли бетон ва темир-бетон маҳсулотларини ишлаб чиқаришнинг янги линияси, йилига 4 минг тонна қувватга эга, оловга чидамли (пишиқ) ғишт ишлаб чиқаришнинг янги линияси амалга оширилган. Кластерни ривожлантиришга 200 миллион доллар инвестиция жалб қилинган. Лойиҳа доирасида 300 дан зиёд янги иш ўринлари яратилган бўлиб, унда турли мутахассислар малакаси узлуксиз равишда ошириб борилади.
Кластер фаолияти 2018 йилнинг октябрь ойида майдони 10 гектарни ташкил этадиган қурилишнинг «биринчи тоши» қўйилишидан бошланди. Янги технологик линия амалдаги корхона ҳудудида мавжуд инфратузилмалардан максимал даражада фойдаланган ҳолда қурилди. 2021 йил 28 январь куни клинкер куйдириш цехида айланма печ ишга туширилди ва биринчи клинкер олинди, 12 февраль куни биринчи марта юқори сифатли 500 маркали портландцемент олинди.
«Йилига 3 миллион тонна қувватга эга, янги юқори технологияли цемент ишлаб чиқаришнинг жорий этилиши мавжуд ҳўл усулда маҳсулот ишлаб чиқарувчи заводнинг атроф-муҳитга таъсирини яхшилаш бўйича навбатдаги инвестиция режасини амалга оширишга шароит яратади. Йилига жами 5 миллион тонна цемент ишлаб чиқариш қувватига эга, замонавий мажмуа мавжуд қувватларни модернизация қилиш, халқаро стандартларнинг замонавий талабларига жавоб берадиган хусусиятларни таъминлаш имконини беради», – дейди «Оҳангаронцемент» корхонаси бош технологи Улуғбек Умаралиев.
Эътиборга молик жиҳати, завод ишлаб чиқариш майдонининг барча бўлинмаларида 85 та энг янги фильтр тизимларини ўрнатиш ҳисобига атроф-муҳитга таъсирни минималлаштиришга эришилган.
Маҳсулотларнинг кенг ассортименти, жумладан, юқори маркали цементни ҳам ўз ичига олади ва Ўзбекистондаги энг муҳим қурилишларга жўнатилади. Буларга йўл туташмалари, аэродром қопламалари, электр станциялари, атом электростанциялари қурилиши, турар жой, офис ва савдо бинолари киради.
Қурилиш материаллари кластери доирасида истиқболда республиканинг тобора ўсиб бораётган қурилиш комплекси учун бошқа замонавий маҳсулотлар ишлаб чиқаришда ҳам инновацион технологияларни жорий қилиш кўзда тутилмоқда. Бу эса юқорида таъкидлаганимиздек, мамлакатнинг қурилиш материалларига бўлган эҳтиёжини қоплашда ўзининг залворли натижасини беради.
«Оҳангаронцемент» АЖ
Манзил: 110300 Ўзбекистон, Тошкент вилояти, Оҳангарон тумани, Оҳангарон шаҳри, Саноат ҳудуди
Телефон: +99870 645 70 00/01
E-mail: agc@eurocem.ru
Сотиш бошқармаси билан боғланиш учун телефон/факс: +99870 645 70 05/02
«Оҳангаронцемент» АЖ таркибига кирувчи қурилиш материаллари ва конструкциялари комбинати
Манзил: 100150 Ўзбекистон, Тошкент шаҳри, Сергели тумани, Нилуфар кўчаси, 30 уй
Телефон/факс: +99871 215 27 41
Мобил телефон: +99897 723 31 77, +99890 370 30 82
E-mail: ksmk@eurocem.ru
Реклама ҳуқуқи асосида.
Изоҳ (0)