“Tottenhem” hujumchisi Harri Keyn Premyer Liga 32-turi doirasida 16-aprel kuni “Everton”ga qarshi kechgan bahsda (2:2) dubl qayd etdi.
Bu 27 yoshli futbolchi uchun Angliya chempionatidagi 163 va 164-gol bo‘ldi.
Shu tariqa Keyn Robbi Faulerni (163 ta gol) ortda qoldirgan holda APL bosh sovrinisiz bo‘lgan futbolchilar orasida eng yaxshi to‘purarga aylandi.
Premyer Liga umumiy to‘purarlari ro‘yxatida esa Harri 7-o‘ringa ko‘tarildi. Bu borada eng yaxshi ko‘rsatkich Alan Shirerga (260) tegishli bo‘lib turibdi. Ayni damda to‘p tepayotgan futbolchilar orasida esa faqat Serxio Aguero (181, 4-o‘rin) Keyndan oldinda.
Keyn 2013-yildan buyon “Tottenhem”da safida harakat qilib keladi. Uning APLdagi eng yaxshi natijasi 2-o‘rin (2016/17-yilgi mavsumda) hisoblanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)