«Тоттенҳэм» ҳужумчиси Ҳарри Кейн Премьер Лига 32-тури доирасида 16 апрель куни «Эвертон»га қарши кечган баҳсда (2:2) дубль қайд этди.
Бу 27 ёшли футболчи учун Англия чемпионатидаги 163 ва 164-гол бўлди.
Шу тариқа Кейн Робби Фаулерни (163 та гол) ортда қолдирган ҳолда АПЛ бош совринисиз бўлган футболчилар орасида энг яхши тўпурарга айланди.
Премьер Лига умумий тўпурарлари рўйхатида эса Ҳарри 7-ўринга кўтарилди. Бу борада энг яхши кўрсаткич Алан Ширерга (260) тегишли бўлиб турибди. Айни дамда тўп тепаётган футболчилар орасида эса фақат Серхио Агуэро (181, 4-ўрин) Кейндан олдинда.
Кейн 2013 йилдан буён «Тоттенҳэм»да сафида ҳаракат қилиб келади. Унинг АПЛдаги энг яхши натижаси 2-ўрин (2016/17 йилги мавсумда) ҳисобланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)