PSJ hujumchisi Neymar parijliklar bilan amaldagi shartnomani uzaytirish borasida kelishuvga erishdi.
Yangi shartnoma 2026-yilning yoziga qadar mo‘ljallangan, uni yana bir mavsumga uzaytirish mumkinligi haqidagi band kiritilgan, deya xabar qilmoqda jurnalist Nikola Skira.
Unga ko‘ra futbolchi PSJda yiliga 30 million yevro maosh oladi. Uning PSJdagi avvalgi maoshi yiliga 25 million yevro atrofida edi.
PSJ 29 yoshli futbolchi bilan shartnoma uzaytirilganini yaqin orada rasman e’lon qiladi.
Neymar Fransiya chempionati 2020/21-yilgi mavsumida 13 o‘yin o‘tkazib, 6 ta gol va uchta golli uzatma muallifiga aylandi.
Mavzuga doir:
- Hashamatli uylar, samolyot, vertolyot va mashinalar. Neymar millionlarini nimalarga sarflaydi?
- Saloh, Neymar, Mbappe va “o‘zga sayyoraliklar”ning “samoviy” boyliklari. Dunyoning eng yaxshi futbolchilari qancha daromad ko‘radi?
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)