«Боруссия Д» ҳужумчиси Эрлинг Ҳолланд янги клубга ўтган тақдирда қанча маош олишни хоҳлаётгани маълум бўлди.
Goal нашрининг ёзишича, 20 ёшли норвегиялик футболчи йилига 35 миллион евро маош олмоқчи. Бундай талаб Европанинг исталган клубига оғирлик қилиши айтилмоқда.
Аввалроқ Ҳоланднинг вакиллари «Реал» «Барселона» раҳбарлари билан музокара ўтказган эди. Ўшанда Испаниянинг ҳар иккала клуби билан музокаралар норасмий бўлгани ва молиявий масалалар муҳокама қилинмагани қайд этилганди.
Бунгача бир неча ой давомида инглиз клубларидан бири Ҳоландга жиддий қизиқиш билдириб келган, аммо норвегиялик йилига 35 миллион евро олишни истаётганини билиб, музокаралардан воз кечган. «Барселона» ва «Реал» ҳам катта эҳтимол билан футболчига бундай маош беролмайди. Эрлинг Ла Лига клубларидан бирига ўтиши учун молиявий талабларини сезиларли даражада камайтириши керак бўлади.
«Боруссия» эса жамоа Чемпионлар Лигаси гуруҳ босқичига йўлланма ололмаса ҳам, Ҳоландни қўйиб юбормоқчи эмас ва уни камида яна бир йилга ўзида сақлаб қолмоқчи. Клуб раҳбарияти футболчи ва унинг агенти Мино Райола билан мунтазам равишда мулоқот қилиб турибди.
Эрлинг Ҳоланд Бундеслиганинг 2020/21 йилги мавсумида 23 ўйинда майдонга тушиб, 21 та гол ва 5 та голли узатма муаллифига айланди.
Мавзуга доир:
Изоҳ (0)