Rossiya AQSh uchun kibermaydondagi eng asosiy tahdid bo‘lib qolmoqda, deyiladi AQSh razvedka xizmatining har yili e’lon qilinadigan navbatdagi hisobotida. Bu haqda “RIA Novosti” xabar berdi.
“Biz Rossiyani josuslik hamda ta’sir sohasidagi potensialini borgan sari yaxshilayotganini tan olamiz va kibermaydondagi eng katta tahdidlardan biri deb hisoblaymiz. Rossiya AQSh hamda mamlakatning boshqa ittifoqchilarining asosiy infratuzilmasini, xususan, suvosti kabellari va sanoatning muhim nazorat tizimlarini egallashga urinishda davom etmoqda. Bu kabi infratuzilmalarni egallash inqiroz vaqtida Rossiyaning holatini yanada yaxshilashi va ayrim holatlarda unga putur yetkazishi mumkin”, – deyiladi hisobotda.
“Rossiya kiberhujumlar raqiblarni ushlab turish, eslakatsiya va nizolar keltirib chiqarish uchun eng yaxshi vosita deb hisoblamoqda”, – deyiladi hisobotda.
Avval Rossiya G‘arb davlatlarining kiberhujumlar haqidagi bayonot va e’tirozlarini keskin rad etgandi.
2020-yil dekabrda rossiyalik xakerlar AQSh moliya vazirligi tizimiga hujum uyushtirgani, kamida uchta AQSh shtati rossiyalik xakerlar nishoniga aylangani, Microsoft rahbari uyushtirilgan kiberhujumga Rossiyaning aloqadorligi bo‘yicha dalillar borligini ma’lum qilgani haqida xabarlar berilgan.
2021-yil mart oyida AQShning Rossiyaga qarshi bir qator kiberhujumlar tayyorlayotgani xabar qilingan.
Izoh (0)