Россия АҚШ учун кибермайдондаги энг асосий таҳдид бўлиб қолмоқда, дейилади АҚШ разведка хизматининг ҳар йили эълон қилинадиган навбатдаги ҳисоботида. Бу ҳақда «РИА Новости» хабар берди.
«Биз Россияни жосуслик ҳамда таъсир соҳасидаги потенциалини борган сари яхшилаётганини тан оламиз ва кибермайдондаги энг катта таҳдидлардан бири деб ҳисоблаймиз. Россия АҚШ ҳамда мамлакатнинг бошқа иттифоқчиларининг асосий инфратузилмасини, хусусан, сувости кабеллари ва саноатнинг муҳим назорат тизимларини эгаллашга уринишда давом этмоқда. Бу каби инфратузилмаларни эгаллаш инқироз вақтида Россиянинг ҳолатини янада яхшилаши ва айрим ҳолатларда унга путур етказиши мумкин», – дейилади ҳисоботда.
«Россия киберҳужумлар рақибларни ушлаб туриш, эслакация ва низолар келтириб чиқариш учун энг яхши восита деб ҳисобламоқда», – дейилади ҳисоботда.
Аввал Россия Ғарб давлатларининг киберҳужумлар ҳақидаги баёнот ва эътирозларини кескин рад этганди.
2020 йил декабрда россиялик хакерлар АҚШ молия вазирлиги тизимига ҳужум уюштиргани, камида учта АҚШ штати россиялик хакерлар нишонига айлангани, Microsoft раҳбари уюштирилган киберҳужумга Россиянинг алоқадорлиги бўйича далиллар борлигини маълум қилгани ҳақида хабарлар берилган.
2021 йил март ойида АҚШнинг Россияга қарши бир қатор киберҳужумлар тайёрлаётгани хабар қилинган.
Изоҳ (0)