4-aprel kuni Samarqandda IIB PPX va JTSB Karantin tadbirlarini ta’minlash guruhi va Davlat veterinariya xizmati xodimlari hamkorligida kelib chiqishi noma’lum bo‘lgan go‘shni Toshkentga olib kelayotgan Nexia to‘xtatib qolindi. Bu haqda viloyati IIB axborot xizmati xabar berdi.
Ma’lum qilinishicha, Bulung‘ur tumanida joylashgan “Yuqori nuqta” YPX maskanida Qashqadaryo—Toshkent yo‘nalishi bo‘ylab harakatlanib kelayotgan Nexia rusumli avtotransport vositasi to‘xtatilib tekshirilganda, yukxonasi hamda salon qismida veterinariya-sanitariya talablariga zid ravishda kelib chiqishi noma’lum bo‘lgan, taxminan 240 kilogramm og‘irlikdagi go‘sht mahsuloti to‘xtatib qolingan.
Ushbu go‘sht mahsulotlarining iste’molga yaroqli ekanini tekshirish maqsadida undan namunalar olinib, veterinariya-sanitariya ekspertizasi laboratoriyasiga yuborilgan.
Avvalroq Qashqadaryoda uyida eshak so‘yib sotayotgan shaxslar ushlangani, Qashqadaryoda iste’molga yaroqsiz 800 kg go‘shtni mashina saloni va yukxonasida olib ketayotgan shaxslar aniqlangani to‘g‘risida xabar berilgandi.
Izoh (0)