Futbol bo‘yicha Angliya Premyer Ligasining 31-turida “Tottenhem” 11-aprel, yakshanba kuni “Manchester Yunayted”ni qabul qildi.
Turning markaziy bahsida mehmonlarning qo‘li baland keldi. 40-daqiqada Son Hyon Min “shporlar”ni hisobda oldinga olib chiqdi. “Manchester Yunayted” ikkinchi bo‘limda bunga Fred, Edinson Kavani va Meyson Grinvudning gollari bilan javob qaytargan holda irodali g‘alabani tantana qildi.
Ushbu g‘alabadan keyin ochkolari soni 63 taga yetgan manchesterliklar musobaqa jadvalida 2-o‘rinda bormoqda. Jamoa hamshahari “Manchester Siti”dan 11 ochkoga ortda qolmoqda. “Tottenhem” esa (49) 7-o‘rindan joy olgan.
“Vest Hem” o‘z maydonida “Lester”dan ustun keldi. Mezbonlarning gollariga Jessi Lingard va Jerrod Bouen mualliflik qildi. “Lester”ning javob gollari esa Kelechi Iheanacho hisobiga yozildi.
APL
31-tur bahslari
11-aprel, yakshanba
“Tottenhem” – “Manchester Yunayted” 1:3
Gollar: 1:0 – 40 Son Hyon Min, 1:1 – 57 Fred, 1:2 – 79 Kavani, 1:3 – 90+6 Grinvud.“Tottenhem”: Lyoris, Rodon, Regilon, Orye, Dayer, Hyoybyerg, Ndombele (Lamela, 78), Lukas Moura (Beyl, 82), Lo Chelso (Sissoko, 61), Son Hyon Min, Keyn.
“Manchester Yunayted”: Henderson, Lindelyof, Uan-Bissaka, Shou, Maguayr, Pogba, Brunu Fernandesh (Matich, 90), Fred, Maktomini, Kavani, Reshford (Grinvud, 72).
Ogohlantirishlar: Maktomini (18), Kavani (41), Fred (48), Shou (67), Maguayr (70), Sissoko (90+2).
Izoh (0)