“Barselona” La Liga 30-turi doirasida “Real”ga qarshi kechgan 10-aprel kungi o‘yinda 1:2 hisobida mag‘lubiyatga uchradi.
Bu uchrashuvda katalonlar hujumchisi Lionel Messi gol ura olmadi. Argentinalik futbolchi “Real”ga qarshi kechgan so‘nggi 7 o‘yinda maydonda 567 daqiqa o‘tkazdi va ularda birorta ham samarali harakat amalga oshira olmadi.
Messi bu vaqt oralig‘ida madridliklar darvozasi tomon 21 marta zarba bergan, ularning 8 tasi darvozaga aniq borgan.
So‘nggi bor Messi 2018-yilning may oyida o‘tkazilgan “El-Klasiko”da gol urgandi. U vaqtda Krishtianu Ronaldu hali “Real” futbolchisi edi.
33 yoshli futbolchi La Liga joriy mavsumida 28 o‘yin o‘tkazib, 23 ta gol va 8 ta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)