UEFA Chempionlar Ligasi chorak finali javob bahslari doirasida o‘tadigan 13-aprel, seshanba kungi o‘yinlar uchun hakamlarni tayinladi.
Parijda bo‘lib o‘tadigan PSJ — “Bavariya” (birinchi uchrashuv — 3:2) o‘yinni italiyalik Daniele Orsato boshchiligidagi italiyalik hakamlar guruhi boshqarib boradi. Unga qanotlarda Alessandro Jallatini va Fabyano Preti yordam beradi.
“Chelsi” — “Portu” (birinchi o‘yin — 2:0) uchrashuvida esa Kleman Tyurpen boshchiligidagi fransiyalik hakamlar guruhi ishlaydigan bo‘ldi. Nikolya Dano va Siril Gringor mazkur o‘yinda qanotlarda faoliyat olib boradi.
Eslatib o‘tamiz, har ikki o‘yin Toshkent vaqti bilan 13-apreldan 14-aprelga o‘tar kechasi 00:00 da boshlanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)